Ledige stillingar

Aukra kommune har fleire spennande stillingar ledig, der søknadsfristen er i mars:

• Avdelingsleiarar Julsundet skole
• Lærarar på begge skolar
• Kulturskolelærar
• Kreft- og palliasjonskoordinator
• Miljøterapeut natt
• Sjukepleiarar
• Miljøarbeidar/miljøterapeut innvandring og integrering
• Saksbehandlar koordinerande eining

Ferievikarar 2024

Pleie og omsorg søkjer ferievikarar for perioden 17. juni til 18. august. Søknadsfrist er 1. mai 2024. Dei har behov for vikarar for:

• Heimesjukepleie
• Omsorgssenteret
• Butenetse og avlastning
• Heimehjelp
• Dagsenter for eldre heimebuande

Vil du vere lærling i Aukra kommune?

Vi har behov for lærlingar i dei fleste fag. Søknadsfrist er 1. mars 2024.

• Helsefagarbeidar
• Barne- og ungdomsarbeidar
• Ernæringskokk
• IT-driftsfaget
• Dataelektronikk
• Maskinførar
• Service og administrasjon

Barnebo barnehage har feira samane sin nasjonaldag 6. februar. I rammeplan for barnehagen står det at barnehagen skal synleggjere samisk kultur og bidra til at barna kan utvikle respekt og fellesskapskjensle for det samiske mangfaldet. Barna får erfare og lære om den samiske kulturen, både i dagane før og på sjølve dagen den 6. februar.

I samband med nasjonaldagen har dei

• bygd lavvo med «bål» som barna leiker i
• sett film om korleis samar kan leve og bu
• høyrd på joik
• kasta lasso på gevir
• lært om flagget
• hatt formingsaktivitetar som å male med fargane frå flagget, lage søljer av cd-plater og paljettar, og teikne nordlysbilde

Til lunsj hadde kokken laga lapskaus med gahkko, som er eit tradisjonelt samisk brød.

Gjeldsrådgjevarane frå NAV-kontora i Romsdalskommunane inviterer til økonomikurs.

• Dato: Onsdag 20. mars 2024
• Tid: 10.00-14.30
• Stad: InnbyggarLaben i Storgata 44 i Molde

På kurset vil du lære meir om økonomisk tenking, forbruksvanar, budsjettering og gjeldshandtering.

Kurset er gratis og det blir servert kaffi og te. Ta med matpakke.

Meld deg på ved å følge lenka nedanfor.

Søknadsfrist for hovudopptak for barnehage er 1. mars.

Søknadsfrist for hovudopptak kulturskole er 15. mars.

Søknadsfrist for hovudopptak for SFO er 1. april

Frisklivssentral og avdeling for psykisk helse og rus skal halde Hverdagsglede-kurs våren 2024. Kurset går over fem gonger à 2 timar og passar for alle vaksne som ønsker auka trivsel og meir glede i kvardagen. Etter kvar økt får du ei oppgåve til neste gong som tek utgangspunkt i dine eigne erfaringar.

Kurset er bygd opp rundt fem grep som er knytt til god psykisk helse og auka livskvalitet: 

• Ver merksam
• Ver aktiv
• Fortsett å lære
• Knytt band
• Gje

Helsing frå kommunedirektøren 

Vi blir fleire i Aukra kommune

Som kommunedirektør er eg like spent kvar gong befolkningstala kjem frå Statistisk sentralbyrå (BBS). Tala per 1. januar 2024 kom for berre nokre dagar sidan. Fasiten var at det då var 3 678 innbyggarar, ei auke siste året på 24 innbyggarar. Tala på kvar krins i kommunen visar at heile auka kom på Julsundet.

Eg må innrømme eg hadde venta større auke i folketalet, sett i lys av at vi også tek imot mange flyktningar. Eg har før sagt at målet bør være å få 4000 innbyggarar, og held på det. Men korfor? Er det so viktig, da? Er ikkje det  viktigaste at vi gir gode tenester for dei som allereie bor her? Jo, men dette heng nøye saman. Vi treng vekst i folketalet for å ha ei god miks mellom barn, yrkesaktive og eldre. Skal vi vokse må vi være attraktive. Mange ting gjer ein stad attraktiv. Her vil eg trekke fram næringsutvikling, sentrumsutvikling og bustadutvikling.

I kommunen jobbar vi aktivt med dette, saman med politikarar, innbyggarar, næringslivet, Aukra næringsforum og diverse aktørar/interessentar. Blant anna skal vi legge fram ei bustadpolitisk plan før sommaren. Det gler vi oss til!

Helsing frå ordføraren 

Aukra eit demensvenleg samfunn!

Fleire og fleire blir ramma av demens. I følge «Aldring og helse Nasjonalt senter» vil det i 2025 vere 99 personar som har demens i Aukra kommune. I 2030 vil det vere 113 personar og i 2040 vil det vere 149 personar.

Dette er ikkje berre tall, men enkeltmenneske som har blitt ramma av ein alvorleg sjukdom. Det er vår oppgåve som kommune å gje desse eit så godt behandlingstilbod som mogeleg. Både dei som blir ramma av sjukdomen og familiane deira skal kjenne seg godt ivaretatt i Aukra kommune. Det var derfor viktig at vi i samband med budsjettet for 2024 fekk på plass midlar til musikkterapeut og to nye stillingar ved Aukra omsorgssenter. Forsking viser at musikkterapi kan auke velvære og redusere symptoma på depresjon hos personar som har demens. Skal ein gje ei god demensomsorg er det og viktig med nok hender. Dette vil mellom anna medføre meir tid til både fysiske og miljøretta aktivitetar.

Aukra kommune signerte i 2017 ein samarbeidsavtale med Nasjonalforeningen for folkehelse om å vere eit meir demensvenleg samfunn. Formålet med denne avtalen er å legge til rette for at Aukra kommune skal arbeide for å bli meir demensvenleg. Det betyr at menneske med demens kan møte forståing, respekt og støtte, gjere det muleg å vere inkludert og delta i nødvendige kvardagsaktivitetar som å handle, bruke offentleg transport, delta i kulturaktivitetar og liknande. I dette arbeidet har både kommunen, private verksemder og det frivillige eit viktig ansvar.

På kommunestyremøte 14. mars vil vi som politikarar få auka kunnskap om demens og om korleis vi skal få til eit meir demensvenleg Aukrasamfunn gjennom besøk av Aukra kommune sin demenskoordinator.

Aukradagen 2024 går av stabelen laurdag 15. juni. Vil du vere utstillar eller ha ei framføring på utescena? Frist for å melde seg på er 16. mai 2024. 

Friluftsrådet i Nordmøre og Romsdal og Sunnmøre friluftsråd søkjer etter ny kunstnar til årets Stikk UT!-krus og skåler. Tidlegare har Arne Nøst og Signe Louise Aasen dekorert krusa og skålene. No ønskjer friluftsråda å overbringe stafettpinnen til ein ny kunstnar.

Konkurransen er open for både profesjonelle kunstnarar og amatørar. Motivet skal vere relatert til friluftsliv og det må vere mogleg å overføre det til trykk på porselen.

Slik deltar du

• Last ned mal frå Porsgrund porselen
• Tekn inn ditt forslag til motiv, bruk 2-3 fargar
• Send inn saman med ein kort presentasjon av deg sjøl til Liv@stikkut.no
• Innsendingsfrist er 15. mars 2024

Utveljing og premie

Ei prosjektgruppe vel ut kandidat og motiv. Kunstnaren som vert vald til å lage årets motiv vil motta 10 000 kr i honorar for arbeidet i 2024.

Du finn våre tidlegare nyheitsbrev på Aukra kommune si heimeside.

På kommunen si heimeside finn du oversikt over våre arrangement.

Arrangement i mars:

• Digitalhjelp på måndagar kl. 12-14 på Aukra bibliotek. Siste gong for vårseongen: 18. mars.

• Digital kafé på måndagar kl. 14-16 på Aukra kulturhus. Siste gong for vårseongen: 18. mars.

• Laurdagskafé held fram ved ulike lag og organisasjonar
• Kino annakvar søndag kl. 17 og 19
• 2. og 3. mars kl. 10-14 er det keramikk-kurs for vaksne i regi av kulturskolen
• Kvelds og lyrikk med Endre Ruset - Dikt og kveldsmat på biblioteket 5. mars kl. 19
• Eining for innvandring og integrering og Gossen bygdekvinnelag inviterer til feiring av Kvinnedagen 8. mars kl. 18 på Aukra kulturhus
• Pubkveld 9. mars kl. 19-00 på Aukra kulturhus ved Soltun scene
• Kvelds og lyrikk - diktlesing og kveldsmat på biblioteket 14. mars kl. 19

Les meir om våre arrangement ved å opne lenkane nedanfor. 

AUKRA KOMMUNE

Nyjordvegen 12

6480 AUKRA

Epost

E-dialog 

Kontaktskjema

SENTRALBORDET

Mån - fre: 09.00 - 14.30

Telefon: 71 17 15 00

Finn ein tilsett

Personvern og informasjonskapslar

KOMMUNEHUSET

Mån - fre: 10.00 - 14.00

Nyjordvegen 12

6480 AUKRA

Vis i kart

Meld deg av nyheitsbrevet