Nyheitsbrev frå Aukra kommune
Nyheitsbrev frå Aukra kommune |
|
|
Aukra formannskap har i møte 27. november innstilt budsjett 2024 og økonomiplan med handlingsdel 2024-2027. Kommunestyre skal behandle og vedta budsjett og økonomiplan den 14. desember. Du kan lese formannskapet si innstilling til budsjett og økonomiplan på vår heimeside. Du kan òg følge kommunestyremøtet på kommuneTV. |
|
|
| Nissefest og julegrantenning 2023 |
Velkommen til nissefest og julegrantenning søndag 3. desember. Program - Kl. 13.00 Opning av Pepperkakehus-utstilling i Liljå
- Kl. 13.00-16.00 Kafé i regi av 10. klasse (Soltun scene) - Sal av graut, pølse med brød og gjærbakst
- Kl. 13.00-15.30 Nissefest med 10. klasse (Falken) - Elevar i 10. klasse ordnar nissefregner og raude kinn til barna. Nissen kjem cirka klokka 15 og deler ut nisseposar til barna. Aktivitetar for barn.
- Gossen musikkorps spelar til julegrantenninga
- Kl. 16.00 Julegrantenning utanfor Aukra kulturhus
- Kl. 16.30 Fakkeltog til Aukra omsorgssenter
-
Kl. 17.00 Julegrantenning utanfor Aukra omsorgssenter
|
|
|
På biblioteket kan du kjøpe lokale bøker og dialektkoppen. Ta turen innom i våre opningstider. |
|
No kan du hente StikkUT krus og skål på Aukra kulturhus. Varene kjem utan eske denne gongen. |
|
Lurer du på kven som er valt som medlemmar til dei ulike politiske råda og utvala? På heimesida finn du oversikt over dei fleste. |
|
|
| Ønskjer du ein ekstrajobb i vinter? |
Er det nokon i Julsundet/Jendem som kan tenke seg ein liten ekstrajobb i vinter? Aukra kommune treng ein person i beredskap som ved behov kan måke og strø trapp og inngangsparti framføre hovudinngangen ved Bergetippen barnehage. Dette må gjerast innan barnehagen opnar kl.7 om morgonen.
Aukra kommune betaler ein fast sum for beredskap og i tillegg per time ved utrykking.
Er du interessert så ta kontakt med driftsingeniør Sondre Kårstein i Aukra kommune på telefonummer 481 37 204 eller send ein e-post til sondre.kaarstein@aukra.kommune.no.
|
|
|
Reguleringsplan Småge småbåthavn, endring 05 - Høyring og offentleg ettersyn
I medhald av plan- og bygningslova § 12-10 og 12-11, har drift og arealutvalet i møte den 22. november 2023, sak PS-15/23, vedteke å leggje reguleringsplan Småge småbåthavn, endring 05 ut til høyring og offentleg ettersyn i åtte veker. Planforslaget vert lagt ut til høyring og offentleg ettersyn i perioden 24. november 2023 til 24. januar 2024. Du finn alle saksdokument på vår planportal, der du óg kan sende inn ditt høyringssvar. |
| Julsundet skole søker rektor Er du klar for ei spennande leiaroppgåve?
Julsundet skole søker ein inkluderande og utviklingsorientert skoleleiar med pedagogisk utdanning og erfaring, og helst også formell kompetanse i skoleleiing. Vi tilbyr: -
Ein utviklande og spennande jobb på ein skole med dyktige medarbeidarar
- Ei leiargruppe som vil ta vel imot deg, og gje deg plass
- Løn etter avtale, og gode pensjons- og forsikringsordningar
Søknadsfrist: 15. desember 2023 Tiltreding: 1. januar 2024
|
|
| | Trafikktryggingstiltak ved Fanghol |
I veke 45 har Samuelsen Maskin satt i gang med trafikktryggingstiltaket «Gangveg gjennom krysset ved Fanghol». Tiltaket går ut på å legge til rette for mjuke trafikantar slik at desse blir leda trygt forbi krysset mellom Fylkesveg 662 (Julsundet), Kommuneveg 1029 (Vollskaret) og Kommuneveg 1014.
Følgjande tiltak vert gjennomført: - Forlenge eksisterande rabatt ved Vollskaret
- Legge om innkøyrsler til turparkering ved Fanghol og Gamleskolen slik at innkøyring blir inn via vegen til Matberget
- Byggje om lag 30 meter med ny gang- og sykkelveg langs Fangholvegen
Prosjektet er planlagt ferdigstilt i veke 49 (4.-10. desember). |
|
|
Helsing frå kommunedirektøren BTI - Betre tverrfagleg innsats for barn og unge
Det skal vera trygt og godt å veksa opp i Aukra. Av og til oppstår likevel utfordringar som gjer at ikkje alle har det så bra. I vår kommune skal vi følje BTI-modellen for å sikre at barn og unge får den hjelpa dei treng.
Kva er so BTI-modellen? BTI står for Betre Tverrfagleg Innsats. Førebygging og tidleg innsats kan gje store gevinstar i arbeidet vårt for barn og unge som har noko dei strevar med. Vår kommune har derfor utarbeidd ein samhandlingsmodell og BTI-handlingsrettleiar med stafettlogg som skal sikra tidleg innsats, god oppfølging og samordna tenester.
Som innbyggar kan ein også kontakte kommunen om ein kjenner på bekymring for eit barn. Om det er eit barn i familien din, vennekretsen eller i nabolaget som strevar? er det godt å ha ein vaksen som ser situasjonen til barnet og bidreg til at barnet får den oppfølginga det skal ha. Du kan melde bekymringa di til alle i kommunen som arbeider med barn og unge. Det kan vere tilsette i skole, barnehage, helsesjukepleiar, ungdomslos, SLT-koordinator eller kontakt sentralbordet. Om du vil lese meir om BTI i Aukra kommune så finn du meir her: https://aukra.betreinnsats.no/ |
|
Helsing frå ordføraren MOT styrker ungdoms robustheit og livsmestring.
Torsdag 9.november fekk eg vere med på årsmøte i MOT Aukra. Her møtte eg engasjerte ungdommar som var glade for og heia på MOT. Med på møte var også regionleiar Perry Orry Larsen. Ein dyktig og engasjert regionleiar. Ungdomane som var med på årsmøtet var unge MOT leiarar frå Julsundet skole og Gossen barne- og ungdomsskole. Under samtalen rundt MOT kom mellom anna følgjande fram; «Venner betyr alt», «Viktig å vite at du har ein venn å gå til», «Vi er ein samansveisa gjeng», «MOT har hjelpt alle»,. «Viktig å seie hei og inkludere alle», «Eg var usikker i 8.klasse, MOT hjalp veldig».
Når vi har valgt å vere ein MOT kommune betyr dette at vi ønsker å bruke MOT som eit verkemiddel for å skape eit varmare og tryggare oppvekstmiljø. Eit oppvekstmiljø med fokus på inkludering og gode relasjonar. Dette ansvaret har vi alle i Aukrasamfunnet. Eigarskapet til MOT må ungdomane våre, politikarar, foreldre, leiarar og andre tilsette i Aukra kommune og alle frivillege ha. Først når dette er forankra hos oss alle blir vi ein sterk MOT kommune. Greier vi dette vil vi på ein endå betre måte stå fram som gode rollemodellar for ungdomane våre og dermed bidra til ungdoms robustheit og livsmestring.
| |
|
| Våre publiserte nyheitsbrev |
Du finn våre tidlegare nyheitsbrev på Aukra kommune si heimeside. |
|
|
| På kommunen si heimeside finn du oversikt over våre arrangement. Arrangement i desember: - Kunstkurs for vaksne med tema juleverkstad på kulturhuset helga 2.-3. desember kl. 10-14
- Nissefest og julegrantenning på kulturhuset og omsorgssenteret 3. desember kl. 13-17.30
-
Pepperkakehus-utstilling på biblioteket frå 3. desember og ut månaden
- Juleverkstad for barn 9. desember kl. 11-15 på biblioteket
- Temakafé for personar med alvorleg uhelbredeleg sjukdom, deira pårørande og etterlatte har juleavslutning på Bygdestauå 11. desember kl. 11-13
- Digitalhjelp på måndagar kl. 12-14 på Aukra bibliotek
- Kvar tysdag kl. 15.30-17.30 er det digital kafé på Aukra kulturhus
- På tysdagskveldane kan du vere med på språkkafé ved Soltun scene
- Laurdagskafé ved Soltun scene held fram ved ulike lag og organisasjonar
- Kino annakvar søndag kl. 17 og 19
Les meir om våre arrangement ved å opne lenkane nedanfor. |
|
|
| |
KOMMUNEHUSET Mån - fre: 10.00 - 14.00 Nyjordvegen 12 6480 AUKRA
Vis i kart |
|
|
|