I dag, 6. februar er det samane sin nasjonaldag, også kalt Samefolkets dag. Det er ein merkedag som kyrkja markerer med eigne tekstrekker og eiga bøn for dagen. 

På nettsidene til Samisk kyrkjeråd kan du finne vegleiing og aktuelle ressursar for å markere dagen. Det kan vere å seie nokre liturgiske ledd, synge salmar eller lese bibeltekst på eit av dei samiske språka. 

Skal du ha samlingar med born og unge er det fleire måtar å markere nasjonaldagen på. Sjå ressursar i Ressursbanken her.  

Flexid – fleksibel identitet – er eit kurskonsept som gjer deltakarane medvitne på kjensler som oppstår når kulturelle verdiar og praksisar møtest. Overordna tema er mangfaldskompetanse og livsmeistring. Det nye Flexid-kurset for kyrkjelege tilsette tematiserer også tru, livssyn og identitet. Kurset utforskar korleis kyrkja kan skape trygge rom med gjensidig anerkjenning og respekt.

Visste du at Den norske kyrkja er oppdragsgjevar for Kirkens Nødhjelp? Alle tilsette og frivillige med verv i sokneråd eller diakoniutval i Den norske kyrkja er anbefalt å ta eit kort kurs for å lære meir om Kirkens Nødhjelp og kyrkja sin relasjon til organisasjonen.

På allmøtet 31. januar vart ein ny miniserie om  "Hendinga som forandra Noreg" presentert. Andre tema på allmøtet var mellom anna drop-in-bryllaup på valentinsdagen, markering av samefolkets dag og preses sitt besøk til Israel og Palestina.

Bispemøtet inviterer til Olavstipendseminar på Kirkens hus i Oslo måndag 12.februar kl. 12-13.45. Seminaret blir sendt også på Teams. Brita Hardeberg, mottakaren av Olavstipendet for 2023, presenterer prosjektet sitt om arbeidsrettleiing i Den norske kyrkja.

Leiarane i det nyoppretta "Råd for personar med funksjonsnedsetjingar i Den norske kyrkja" blei valt fredag 2. februar. Leiarduoen representerer Døvekyrkja og Mental helse og skal leie det rådgivande arbeidet for ei meir inkluderande kyrkje.

I november vart Svenska kyrkan utsett for eit alvorleg digitalt angrep. Les kva som vert gjort for å beskytte Den norske kyrkja mot digitale truslar – både lokalt og nasjonalt.

1. februar 2024 starta kampanjen for drop-in-bryllaup. Planlegg de drop-in-bryllaup 14. februar eller andre datoar i løpet av 2024, kan de dra nytte av kampanjen ved å leggje inn informasjon om dykkar arrangement på skjerikyrkja.no. Tiltaket fekk svært gode tilbakemeldingar frå brudepar, tilsette og lokalsamfunn over hele landet i 2023. Skal de prøve i år?

Nyheitsbrevet vert sendt til tilsette, frivillige, folkevalde og andre interesserte i Den norske kyrkja. Har du fått det videresendt kan du melde deg på nyheitsbrevet i dette skjemaet.

Vil du melde deg av? Trykk her 

krpostmottak@kyrkja.no