Nytt år gjev høve til å oppsummere og reflektere over mykje av kyrkjelyden sitt arbeid i fjor, mellom anna ved å sjå på årsstatistikken. Skjemaet er sendt ut av SSB og fristen er 22. januar.  

– Lokalt kan det kanskje vere vanskeleg å sjå verdien av timar med rapportering. Men om du loggar inn i det digitale verktøyet «Kyrkja vår – samla plan for arbeidet i soknet», vil du kunne sjå kyrkjelyden sin statistikk og utvikling over tid, seier kyrkjerådsdirektør Ingrid Vad Nilsen.

– Når vi ser på alle tala samla på nasjonalt nivå, får vi også eit godt bilete av kva som skjer – og korleis utviklinga er. Styresmaktene og media spør stadig etter tal, fakta og utviklingstrekk for det som skjer i kyrkjelydane – og kva pengane vert nytta til. Vit at dei innrapporterte tala bidreg til å oppretthalde støtta til kyrkja – både økonomisk og politisk!

Det er fleire endringar i SSB-skjemaet i år, både endra oppdeling og nye spørsmål. Difor er det tilrådd å sjå ekstra nøye på SSB si vegleiing til utfylling av statistikkskjemaet, før du startar.

Kyrkja sitt medlemsregister må vere oppdatert og korrekt. Siste frist for å legge inn kyrkjelege handlingar og gåver som kan utløse skattefrådrag er 12. januar 2024. 

Den nye passordpolicyen til kyrkja aukar tryggleiken. Les meir om kva innverknad dette får for deg og korleis du kan lage sterke passord her. 

Onsdag i neste veke vert dei nasjonale resultata frå medarbeiderundersøkinga i haust presentert. Sjå gjerne presentasjonen i samband med gjennomgang av lokale resultat. Det vert høve til å stille spørsmål. Presentasjonen fylgjer du på kyrkja.no/allmøte, onsdag 17. januar kl 09.00.

Kyrkjerådet har lyst ut midlar til å stimulere til samarbeid mellom fellesråd og mellom fellesråd og bispedømeråd – med mål om ei betre lokal organisering. Søknadsfristen er 31. januar. 

Julaftangudsteneste i domkyrkjene har fått eit solid oppsving i talet på besøkande. Det viser førebelse tal som Kyrkjerådet har henta inn. I snitt auka besøket med ni prosent. 

Biskop i Oslo Kari Veiteberg går tilbake til jobben som bymisjonsprest i Tøyen kirke. Ho avsluttar tenesta som biskop 17. desember 2024. Då har ho vore øvste leiar for Oslo bispedømme i syv år.

Kyrkjerådet har delt ut midlar til opplegg om kristendommen si påvirkning på norsk samfunn og kultur gjennom tusen år. 

Nyheitsbrevet vert sendt til tilsette, frivillige, folkevalde og andre interesserte i Den norske kyrkja. Har du fått det videresendt kan du melde deg på nyheitsbrevet i dette skjemaet.

Vil du melde deg av? Trykk her 

krpostmottak@kyrkja.no