No er tida her for å gjere klart materiell til førehandsstemming og valting. Plakatar til vallokal ligg tilgjengeleg på fleire språk, og rettleiingar for både digitalt og fysisk val ligg klart til utskrift. Informasjonsskriv om kyrkjeval kan de tilpasse og dela ut i postkasser i heile soknet, dei ligg føre på bokmål og nynorsk.

• Plakatar og materiell som kyrkjelyden kan tilpasse, annonse for tid og stad for valet
• Plakatar til oppslag, på ulike språk
• Bilete som viser kyrkjeval og kyrkjelege aktivitetar

Førehandsstemminga startar 10. august, både digital og på papir. Valstyret får tilsendt stemmesetlar for val til bispedømeråd og Kyrkjemøtet, men må ordna anna materiell sjølv. Kapittel 7 og 8 i valghåndbok 1 gjer greie for kva som trengs og korleis ein skal arrangere valet. Rettleiingane 7.9.3 og 7.9.4 handlar om førehandsstemming, og 8.8 og 8.8.2 om valtinget.

All informasjon om kandidatar og tid og stad for valet skal no vere lagt inn i valmodulen av dei med ansvar for dette. Denne og neste veke er tida for å sjekke at alt er i orden, og er det ikkje det, må de kontakte Kyrkjerådet for å få låst opp valmodulen for det enkelte sokn. Les meir under menypunktet Forhåndsvisning digivalg.

Tidlegare har det vore skrive at ein kan tilby såkalla herda pc i vallokalet under den digitale førehandsstemminga. Dette blir no ikkje tilrådd, då dette er teknisk krevjande å setje opp. Veljarar som i vallokalet vil orientere seg om dei ulike listene og kandidatane, må gjera det på eigen telefon.

Nyhetsbrevet sendes til alle påmeldte som ønsker siste nytt om kirkevalget 2023.  Vil du melde deg av nyhetsbrevet? Trykk her 

post.kirkeradet@kirken.no